Legjendat e Manchester United, Cristiano Ronaldo dhe Nani kanë pasur rol të rëndësishëm te transferimi i mesfushorit, Bruno Fernandes në “Old Trafford”.

Fernandes u transferua te klubi anglez gjatë afatit të janarit për 46.5 milionë euro, transmeton portali arbresh.info.

Portugezi nuk është lojtari i parë që u largua nga Sporting Lisbon për tu transferuar te United, sepse Ronaldo dhe Nani e bën këtë gjë para një dekade.

Fernandes e konfirmoi se ka biseduar me pesë herë fituesin e Topit të Artë për transferimin te “Djajtë e Kuq” dhe ky i fundit ka thënë vetëm fjalë të mira.

“Tha gjëra të mira për United. Mendoj se është i lumtur me transferimin tim”

“Gjithashtu bisedova me Ole dhe me tha se ka pyetur Cristianon për mua. Cristiano kishte thënë fjalë të mirë, gjë që është mirë. Ai luan me mua në Kombëtare dhe me njeh. Dua të ndjek hapat e tij”, deklaroi ai.

Pos Ronaldos, rol të rëndësishëm ka pasur edhe Nani, i cili e kishte uruar për transferimin.

“Luajta me të, ishte kapiteni te Sporting dhe mësova disa gjëra nga ai. Me dërgoi mesazh dhe me tha se është i lumtur për transferimin tim”, shtoi portugezi.

Fernandes në ndeshjen e parë në fanellën e “Djajve të Kuq” ka barazuar me Wolves (0-0)./arbresh.info.